यावल, प्रतिनिधी : तालुक्यातील कोळन्हावी येथे निलेश प्रल्हाद इंगळे (वय ३६) या तरुणाने राहत्या घरात गळफास घेऊन आत्महत्या केल्याची घटना घडली. हा प्रकार कुटुंबीयांच्या निदर्शनास आल्यानंतर त्याला तातडीने उपचारासाठी जळगाव येथील जिल्हा शासकीय वैद्यकीय महाविद्यालय व रुग्णालयात दाखल करण्यात आले. मात्र, डॉक्टरांनी तपासणी करून त्याला मृत घोषित केले.
निलेश इंगळे हा कोळन्हावी येथील रहिवासी होता. त्याने राहत्या घरात गळफास घेतल्याचे कुटुंबीयांच्या निदर्शनास आले. त्यानंतर कुटुंबीयांनी त्याला तातडीने जळगाव येथील शासकीय वैद्यकीय महाविद्यालय व रुग्णालयात दाखल केले. मात्र, उपचारापूर्वीच डॉक्टरांनी त्याला मृत घोषित केले.
याप्रकरणी यावल पोलिस ठाण्यात अकस्मात मृत्यूची नोंद करण्यात आली आहे. आत्महत्येचे कारण अद्याप स्पष्ट झालेले नाही. पोलिस निरीक्षक रंगनाथ धारबळे यांच्या मार्गदर्शनाखाली पोलिस हवालदार संदीप सूर्यवंशी पुढील तपास करीत आहेत.
