जळगाव | प्रतिनिधी : शहरातील दिनकरनगर परिसरात राहत्या घरात २४ वर्षीय तरुणाने गळफास घेऊन आत्महत्या केल्याची घटना शनिवार, १२ सप्टेंबर रोजी उघडकीस आली. गणेश रमेश रायसिंग (वय २४, मूळ रा. बांभोरी, ता. धरणगाव) असे मृत तरुणाचे नाव आहे.
गणेश रायसिंग हे मूळचे बांभोरी येथील रहिवासी असून, ते जळगावातील दिनकरनगर परिसरात भाड्याच्या घरात राहत होते. शनिवारी ते राहत्या घरात गळफास घेतलेल्या अवस्थेत आढळून आले. घटनेची माहिती मिळताच पोलिसांनी घटनास्थळी धाव घेतली.
दरम्यान, गणेश यांचा मृतदेह कुजलेल्या अवस्थेत आढळून आल्याची माहिती आहे. पोलिसांनी मृतदेह ताब्यात घेऊन शासकीय वैद्यकीय महाविद्यालय व रुग्णालयात शवविच्छेदनासाठी पाठविला. याप्रकरणी शनिपेठ पोलिस ठाण्यात अकस्मात मृत्यूची नोंद करण्यात आली असून, आत्महत्येचे कारण अद्याप स्पष्ट झालेले नाही.
