जळगाव | दि.०७ ऑगस्ट २०२४ | जळगाव जिल्हयात ज्वारी खरेदीसाठी १८ केंद्र कार्यरत असून दिनांक ३१ जुलै २०२४ अखेर २ हजार ४१५ शेतकऱ्याकडुन ८४ हजार ११२ क्विंटल ज्वारी खरेदी झाली आहे. ज्वारी खरेदीसाठी जिल्ह्याकरीता एकुण ९५ हजार क्विंटल उद्दिष्ट होते. अशी माहिती महाराष्ट्र राज्य पणन महासंघाचे उपाध्यक्ष रोहित दिलीप निकम यांनी दिली.
निकम यांनी मंगळवारी त्यांच्या रामदास कॉलनीतील निवासस्थानी पत्रकार परिषद घेत माहिती दिली. नोंदणी झालेल्या शेतकऱ्यांनी आपले धान्य आपल्या तालुक्यातील केंद्रावर संदेश प्राप्त होताच वेळेत विक्रीसाठी आणवेत असे आवाहन रोहित निकम यांनी केले आहे.
जिल्ह्यासाठी ९५ हजार क्विंटल उद्दिष्ट होते. त्यापैकी ८४ हजार ११२ क्विंटल ज्वारी खरेदी झाली आहे. याकरिता आता ३१ ऑगस्टपर्यंत ज्वारी खरेदीसाठी परवानगी देण्यात आली आहे. राज्य शासन, केंद्र शासनाकडील पाठपुराव्यामुळे जिल्ह्याला ज्वारी खरेदीचे वाढीव उद्दिष्ट मिळाले आहे.
ज्वारी खरेदीसाठी प्रथम उद्दिष्ट ३० हजार, द्वितीय उद्दिष्ट ६५ हजार तर तृतीय उद्दिष्ट ९५ हजार मिळाले आहे. त्यामुळे नोंदणी झालेल्या शेतकऱ्यांनी आपले धान्य आपल्या तालुकयातील केंद्रावर संदेश प्राप्त होताच वेळेत विकीसाठी आणवेत असे आवाहन महाराष्ट्र राज्य पणन महासंघ उपाध्यक्ष रोहित दिलीप निकम यांनी केले आहे.
