जळगाव, (प्रतिनिधी) : येथील लक्ष्मी नगर भागात (एम.जे. कॉलेजच्या मागे) दि. १९ जून ते २६ जून २०२६ या कालावधीत भव्य ‘संगीतमय श्रीमद् भागवत कथा’ आणि ‘अखंड हरिनाम संकीर्तन सप्ताह’ सोहळ्याचे आयोजन करण्यात आले आहे. या सोहळ्यात बीड येथील प्रसिद्ध भागवताचार्य श्रीमत्परमहंसपरिव्राजकाचार्य श्री श्री हरिहरानंद भारती स्वामीजी यांच्या सुश्राव्य वाणीतून भाविकांना भागवत कथेचे श्रवण करता येणार आहे.
दैनंदिन कार्यक्रम व कीर्तन सेवा:
सप्ताहामध्ये दररोज पहाटे ५:३० वाजता काकड आरती, दुपारी १ ते ४ या वेळेत श्रीमद् भागवत कथा, संध्याकाळी ५:३० वाजता हरिपाठ तर रात्री ८ ते १० या वेळेत नामवंत कीर्तनकारांची कीर्तने होतील.
१९ जून: खाटुशाम भजन (दिपक प्रजापती)
२० जून: ह.भ.प. मोहनदास महाराज
२१ जून: ह.भ.प. अनिल महाराज (एकलग्न)
२२ जून: ह.भ.प. देवगोपाल शास्त्री महाराज (आडगांव)
२३ जून: सुंदर कांड (सुनय जोशी)
२४ जून: ह.भ.प. राधेश्याम महाराज (येवला)
२५ जून: ह.भ.प. परमेश्वर उगले महाराज (याच दिवशी संध्याकाळी ६ वाजता भव्य शोभा यात्रा निघेल)
२६ जून: ह.भ.प. श्री योगी दत्तानाथ महाराज (शिवखेडा) यांचे काल्याचे कीर्तन होईल.
शुक्रवार, दि. २६ जून रोजी दुपारी १२ ते २ या वेळेत महाप्रसादाचे आयोजन करण्यात आले आहे. या सोहळ्यात ‘जगद्गुरु तुकोबाराय वारकरी शिक्षण संस्था’ भजनी मंडळ म्हणून, तर गायनाचार्य मयुर महाराज व ईश्वर महाराज आणि मृदंगाचार्य मयुर महाराज सेवा देतील. या धार्मिक सोहळ्याचे आयोजन श्रीमती प्रतिभा ध्रुवराज वारके, पौर्णिमा मनोज वारके व समस्त वारके परिवार (साकरी) यांच्यातर्फे करण्यात आले असून, सर्व भाविकांनी या कथेचा आणि महाप्रसादाचा लाभ घ्यावा, असे आवाहन आयोजकांनी केले आहे.
