जळगाव, दि. ०१ – राष्ट्रवादी काँग्रेस पार्टीच्या जिल्हा उपाध्यक्ष दिपीका भामरे यांची नुकतीच पोलीस मित्र व उत्तर महाराष्ट्र युवा महीला कार्याध्यक्ष पदी निवड करण्यात आली.
युवा क्रांती फाऊंडेशन अंतर्गत पोलीस मित्र महाराष्ट्र रवींद्र सुर्यवंशी संस्थापक तथा राष्ट्रीय महासचिव व अमर बेंद्रे संचालक तथा राष्ट्रीय अध्यक्ष, गणेश आदमाने संचालक तथा राष्ट्रीय कोषाध्यक्ष, संचालक मंडळ, पदाधिकारी नानासाहेब बढे पाटील, संचालक तथा महाराष्ट्र कार्याध्यक्ष निता पाटील, महाराष्ट्र प्रदेश महीला उपाध्यक्ष यांच्या शिफारशी वरून दिपीका भामरे यांच्या कार्याची दखल घेऊन ही निवड करण्यात आली.
दरम्यान भामरे यांचे सामाजिक कार्य, इतरांना न्याय मिळवुन देण्याची भावना, अन्याया विरुद्ध लढा देण्याची तयारी लक्षात घेउन उत्तर महाराष्ट्र युवा महीला कार्याध्यक्ष पदी व पोलीस मित्र पदी निवड करण्यात आली असल्याने त्यांच्यावर शुभेच्छांचा वर्षाव होत आहे.
