जळगाव, दि.१९ – रोटरी क्लब च्या वतीने आज छत्रपती शिवाजी महाराज जयंती निमित्त पायी मिरवणूक काढण्यात आली. मावळे, सरदार, पेशवे, भालदार अशी पोशाख घातलेले सदस्य मिरवणुकीत सहभागी होते. कोर्ट चौकात असलेल्या छत्रपती शिवाजी महाराजांच्या पुतळ्या जवळ महाराजांचे आयुष्य चित्र स्वरूपात उभे करण्यात आले असून त्यावर संपूर्ण बुरुजाचा देखावा तयार करण्यात आला.
शिवतीर्थ मैदाना पासून ते महाराजांच्या अश्वारूढ पुतळ्यापर्यंत पायी मिरवणूक काढण्यात आली. यावेळी जिल्ह्याचे पालकमंत्री गुलबराव पाटील, महापौर जयश्री महाजन, उपमहापौर कुलभूषण पाटील, शिवसेना जिल्हा प्रमुख विष्णू भंगाळे, माजी महापौर नितीन लढ्ढा, माजी मंत्री गुलाबराव देवकर, पोलीस उपअधीक्षक कुमार चिंथा, पीपल्स बँकेचे चेअरमन अनिकेत पाटील, माजी चेअरमन तथा संचालक भालचंद्र पाटील आदींची उपस्थिती होती.
शिवाजी महाराजांना मानवंदना देत मुजरा करण्यात आला व आरती पूजन देखील मान्यवरांच्या हस्ते करण्यात आले.
शिवचरित्राचे गाढे अभ्यासक तथा शिवशाहीर दादा नेवे यांच्या मार्गदर्शनाखाली ही शिवजयंती साजरी करण्यात आली. रोटरॅक्ट च्या माध्यमातून शिवकाळ उभा करण्यात आला. कार्यक्रमाची सुरुवात महाराजांना वंदन करत शाहिरी पोवड्याने करण्यात आली. शाहीर संग्राम जोशी व संदीप जोशी यांनी महाराजांवरील पोवाडा सादर केला.
रोटरॅक्टच्या माध्यमातून क्लबचे माजी अध्यक्ष जयवर्धन नेवे यांनी संपूर्ण कार्यक्रमाचे आयोजन घडवून आणले. पंकज जैन, तरुण अर्तानी, निरंजन देशमुख, देवयानी रसाळ, नितीन नेवे, कृणाल सोनार, प्रा.राजेंद्र देशमुख, लक्ष्मीकांत अडावदकर, स्वप्नील नेवे, सुरेश नेवे, चिन्मय जहागीरदार, विनोद नेवे, संजय कोरके, अजय नेवे, नवीन दलाल, भिकू झवर, जगदीश नेवे आदींनी कार्यक्रमात सहभाग नोंदविला.
