चाळीसगाव, (प्रतिनिधी) : चाळीसगाव विधानसभा मतदारसंघात महायुतीचे उमेदवार आ. मंगेश चव्हाण आणि पत्नी प्रतिभाताई चव्हाण यांनी प्रचाराला जोरदार सुरुवात केली आहे. तालुक्यात काही गावांमध्ये प्रतिभाताई चव्हाण स्वतः जाऊन ग्रामस्थांशी संवाद साधत असून आवाहन करीत आहे.
आ.मंगेश चव्हाण हे सकाळच्या सत्रात प्रचारासाठी शहरातील प्रत्येक वार्डात, नगरात मतदारांच्या घरी जात आहेत. तर प्रतिभाताई चव्हाण संध्याकाळी तालुक्यातील ग्रामीण भागात प्रत्येक गटातील गावांच्या नागरिकांच्या भेटी घेत आहेत. दसेगाव, पिंपळगाव म्हाळसा, पिलखोड, तमासवाडी, टाकळी, शिरसगाव, तलोंदा, काकळणे नांद्रे, अलवाडी, देशमुखवाडी ह्या ठिकाणी प्रचार प्रतिभाताई करीत असून त्यांना जनतेतून सकारात्मक प्रतिसाद लाभत आहे.
