जळगाव | दि. १२ जुलै २०२४ | जिल्ह्यात शेतकरी बांधवांसह विविध घटकांच्या विविध समस्या, अडचणी मागण्यासंदर्भात वेळोवेळी महाविकास आघाडीच्या वतीने जिल्हाधिकारी कार्यालयात बैठका घेऊन तसेच तोंडी, लेखी स्वरूपाचे निवेदन देऊन देखील अद्याप शेतकरी बांधवांच्या मागण्या संदर्भात शासनाची बोटचेपी भूमिका असल्याचा आरोप करत आंदोलनाच्या दुसऱ्या दिवशी जोरदार घोषणाबाजी करण्यात आली तसेच दुध रस्त्यावर ओतून राज्य सरकारचा निषेध केला.
बळीराजांच्या मागण्या मान्य होईपर्यंत धरणे आंदोलन सुरूच राहणार असून जिल्ह्यात तिन मंत्री असताना शेतकऱ्यांच्या तोंडाला पाने पुसली जात असताना महाविकास आघाडी बघ्याची भुमिका घेणार नाही. असा निर्धार जळगाव लोकसभा मतदारसंघाचे माजी खासदार उन्मेश पाटील यांनी व्यक्त केला आहे.
महाविकास आघाडीच्या वतीने जळगाव जिल्हाधिकारी कार्यालयात सुरू असलेल्या धरणे आंदोलनाच्या दुसऱ्या दिवशी खासदार उन्मेश पाटील बोलत होते. यावेळी माजी आमदार राजीव देशमुख, दूध संघाचे संचालक प्रमोद पाटील, माजी नगराध्यक्ष करण पवार, सहसंपर्क प्रमूख गुलाबराव वाघ, जि.प. गट नेते शशी साळुखे आदींसह मान्यवर आंदोलन स्थळी आलेल्या अधिकाऱ्यांना धारेवर धरत प्रश्नांची सरबत्ती केली.
अधिकारी निरुत्तर झाल्याने नेत्यांनी अधिकाऱ्यांवर संताप व्यक्त करीत शेतकऱ्यांचे पुत्र म्हणून तरी जबाबदारी पार पाडावी अशी अपेक्षा व्यक्त करुन राज्याच्या सचिवांशी बोलत त्यावर योग्य तोडगा काढावा. त्याशिवाय धरणे आंदोलन आम्ही सुरूच ठेवणार आहोत. असा निर्धार व्यक्त करीत प्रचंड घोषणाबाजी करण्यात आली.
आंदोलनातील चार प्रमुख मागण्या..
१) दुधाला रू.३०/- प्रति लिटर भाव व रू.५/- प्रति लि. चा फरक तात्काळ सर्व शेतकऱ्यांना देण्यात यावा. यामध्ये जळगाव जिल्ह्यात मागील कालावधीत जळगाव जिल्हा सहकारी दूध उत्पादक संघामार्फत सादर न झालेले प्रस्तावांना देखील रु.५/- प्रति लिटर चे अनुदान मंजूर करावे.
२) जळगाव जिल्ह्यातील ६६८६ केळी उत्पादक शेतकऱ्यांचा केळी पिक विमा नुकसान भरपाई शासनाने नाम मंजूर केलेले असून याबाबत शासन निर्णयाप्रमाणे अंतिम अधिकार असलेल्या मा जिल्हाधिकारी यांच्या अध्यक्षतेखालील पिक विमा तक्रार निवारण समितीने मंजुरी देऊन देखील राज्य सरकारने शेतकऱ्यांवर केलेल्या अन्यायाबाबत तात्काळ नुकसान भरपाई मंजूर होणे बाबत.
३) जळगाव जिल्ह्यातील कापूस उत्पादक शेतकऱ्यांना जाहीर झालेला अनुदान कुठलेही निकष न लावता सरसकट सर्व कापूस उत्पादक शेतकऱ्यांना अदा करण्यात यावे.
४) शासनाने ज्वारी खरेदी केंद्र सुरू केलेल्या असून परंतु त्याचा लक्षात कमी असल्याने शेतकऱ्यांची ज्वारी खरेदी होत नाही तसेच ज्वारी साठवणे साठी गोदाम उपलब्ध नसल्याने ज्वारी खरेदी होऊ शकत नाही असे उत्तर मिळत असल्याने तात्काळ सरसकट ज्वारी खरेदी सुरू करावी.
वरील मागण्या मान्य होईपर्यंत जळगाव जिल्हा महाविकास आघाडीचे सर्व नेते,कार्यकर्ते, पदाधिकारी शेतकरी संघटना समविचारी पक्ष आणि संस्था धरणे आंदोलन करणार आहेत.
यावेळी माजी महानगर प्रमुख गजानन मालपुरे, माजी महापौर जयश्री महाजन, जिल्हाप्रमुख विष्णू भंगाळे, जिल्हा दूध संघ संचालक प्रमोद पाटील, उपजिल्हा प्रमूख महेंद्र पाटील, पारोळा माजी नगराध्यक्ष करण पवार, शशी साळुखे, नाना महाजन, लक्ष्मण पाटील (लकी टेलर), दशरथ महाजन, शरद तायडे, सुनील महाजन, रमेश चव्हाण, काँग्रेसचे राहुल मोरे, शेतकरी संघटनेचे संदीप पाटील, भिमराव खलाणे, सविता कुमावत, युवासेना जिल्हाप्रमुख पियुष गांधी,
उपजिल्हाप्रमुख अविनाश पाटील, भाऊसाहेब सोनवणे, उमेश पाटील, महेंद्र चौधरी, दिलीप घोरपडे, साहेबराव चव्हाण, सुनील पाटील, भगवान पाटील, रामचंद्र जाधव, रवी राजपुत, विजय लाड, सुभाष साखला, पद्माकर पाटील, नरेन जैन, मुकेश गोसावी, अनिल चव्हाण, प्रीतम शिंदे, प्रसिध्दी प्रमूख उमेश चौधरी यांच्यासह मोठ्या प्रमाणावर शेतकरी,कार्यकर्ते हे पदाधिकारी मोठ्या संख्येने उपस्थित होते.
