धरणगाव, दि. ०३ – भारतीय जनता पार्टी धरणगाव तालुका कार्यकर्ता विस्तृत बैठक आज जळगाव लोकसभा निवडणूक २०२४ च्या अनुषंगाने आ. मंगेश चव्हाण यांच्या प्रमुख उपस्थिती धरणगाव येथे बैठक संपन्न झाली. या कार्यकर्ता विस्तृत बैठकीत तालुक्याचा आढावा व आगामी रचना संदर्भात तालुकाध्यक्ष जिजाबराव पाटील यांनी प्रास्ताविक पर भाषण केले.
त्याचबरोबर जिल्ह्याचे उपाध्यक्ष पी.सी.आबा पाटील यांनी भाजपा महायुतीच्या उमेदवार स्मिता वाघ यांनी कार्यकर्त्यांच्या बळावर विजय होणार असल्याचे आव्हान व विश्वास त्यांच्या मनोगतातून व्यक्त केला. जळगाव लोकसभेचे निवडणूक प्रमुख डॉ. राधेश्याम चौधरी यांनी भारतीय जनता पार्टीच्या विविध योजना व कार्यक्रमात संदर्भात कार्यकर्त्यांना मार्गदर्शन केले. आ. मंगेश चव्हाण यांनी आपल्या मनोगतात बोलतांना ही निवडणूक फक्त माझी नसून ही निवडणूक देशाची आहे. देशाला विकासाच्या दिशेने नेण्याची आहे, परंतु ही निवडणूकीत घरात बसून विजय मिळवता येणार नाही, तर सर्व कार्यकर्त्यांना कामाला लागण्याची आवश्यकता आहे.
निवडणूक कार्यकर्त्याच्या बळावर आपण देशाच्या यशस्वी पंतप्रधान नरेंद्र मोदी यांचे हात बळकट करण्यासाठी जळगाव लोकसभेच्या खासदार म्हणून निवडून देणे गरजेचे आहे. कार्यकर्ता हाच स्मिताताईंचा परिवार असल्याने ताईंमध्ये बघायला मिळतो. भारतीय जनता पार्टीच्या कार्यकर्ता हा व्यक्ती नाही तर पक्ष जपणारा असतो. पक्षाने जे जबाबदारी दिली ते पूर्ण करतो. उत्तर महाराष्ट्रातून जळगाव लोकसभेच्या उमेदवार स्मिता वाघ या सर्वात जास्त मतांनी निवडून येतील असा विश्वास व्यक्त केला.
