गजानन पाटील | अमळनेर, दि. १६ – महसूल विभाग व नगरपालिका प्रशासनातर्फे १५ ऑगस्ट रोजी १ किमी तिरंगा रॅली काढण्यात आली. तसेच सुमारे साडे सात हजार विद्यार्थ्यांनी सामूहिक राष्ट्रगीत म्हणून आणखी एक नवा इतिहास घडवण्यात आला. शासकीय ध्वजारोहण झाल्यानन्तर छत्रपती शिवाजी महाराज पुतळ्यापासून रॅलीला सुरूवात करण्यात आली.
आ. अनिल पाटील, माजी आ. शिरीष चौधरी, माजी आ. स्मिता वाघ, डॉ.अनिल शिंदे, उपविभागीय अधिकारी सीमा अहिरे, उपविभागीय पोलीस अधीक्षक राकेश जाधव, तहसीलदार मिलिंद वाघ, पोलीस निरीक्षक जयपाल हिरे, मुख्याधिकारी प्रशांत सरोदे, गटविकास अधिकारी विशाल शिंदे, गट शिक्षणाधिकारी एस.पी. चव्हाण, बजरंग अग्रवाल यांच्यासह मान्यवरांच्या हस्ते तिरंगा रॅलीचा शुभारंभ करण्यात आला.
शहरातील मंगलमूर्ती चौक, रेल्वे स्टेशन चौक, स्वामीनारायण मंदिर, नगरपालिका, सुभाष चौक, राणी लक्ष्मीबाई चौक, दगडी दरवाजा, तिरंगा चौक, पाचपावली मंदिर, बसस्थानक, महाराणा प्रताप चौक मार्गे पुन्हा छत्रपती शिवाजी महाराज नाट्यगृहापर्यन्त रॅली काढण्यात आली. रॅलीत ठिकठिकाणी तिरंग्यावर तसेच भारत माता व प्रतिकात्मक क्रांती वीर, स्वातंत्र्यसैनिक यांच्यावर फुलांचा वर्षाव करण्यात आला. रॅली संपल्यानन्तर सुमारे साडे सात हजार विद्यार्थ्यांनी सामूहिक राष्ट्रगीत म्हटले.
रॅलीत उपमुख्याधिकारी संदीप गायकवाड, नायब तहसीलदार नवनाथ लांडगे, खान्देश शिक्षण मंडळाचे माजी चेअरमन नीरज अग्रवाल, माजी नगराध्यक्ष सुभाष चौधरी, पंकज मुंदडा, प्रकाश मुंदडा, दिगंबर महाले ,पोलीस उपनिरीक्षक गंभीर शिंदे, पोलीस उपनिरीक्षक नरसिंग वाघ, पोलीस उपनिरीक्षक शिरोडे, पोलीस निरीक्षक विकास शिरोळे पोलीस निरीक्षक अक्षदा इंगळे, डॉ.शरद पाटील, अमोल भामरे, दिगंबर वाघ, सत्येम पाटील, संजय चौधरी यांच्यासह सर्व क्षेत्रातील नागरिक सहभागी झाले होते.
