जळगाव, दि. १५ – महाराष्ट्र राज्याच्या महाविकास आघाडीचे मार्गदर्शक, माजी केंद्रीय मंत्री तथा राष्ट्रवादी काँग्रेस पक्षाचे संस्थापक खा. शरद पवार आज जळगाव जिल्ह्याच्या दौर्यावर आहेत. या दौर्यात त्यांच्यासमवेत राज्याचे कृषि दादाजी भुसे, जलसंपदामंत्री जयंत पाटील, राज्यमंत्री प्राजक्त तनपुरे यांचेही उपस्थिती होती.
दरम्यान सकाळी खा. पवार यांचे जळगाव विमानतळावर आगमन झाले. त्यावेळी जळगावच्या महापौर तथा जळगाव जिल्हा मध्यवर्ती सहकारी बँकेच्या संचालिका जयश्री सुनिल महाजन यांनी पुष्पगुच्छ देऊन सर्व मान्यवरांचे स्वागत केले. तसेच खा. पवार यांचे आशीर्वाद घेतले.
यावेळी राष्ट्रवादीचे जिल्हाधयक्ष रविंद्रभैय्या पाटील यांच्यासह राष्ट्रवादी काँग्रेस पार्टीचे पदाधिकारी व कार्यकर्ते आदी उपस्थित होते. सर्व मान्यवरांच्या या दौर्या दरम्यान जळगाव शहर विकासासंदर्भात आपल्याकडून आम्हाला निश्चितपणे बहुमोल मार्गदर्शन मिळेल अशी अपेक्षा महापौर जयश्री महाजन यांनी व्यक्त केली.
