जळगाव, दि.२२- कर्नाटकातील शिमोगा येथे भगव्या शालेचे आंदोलन उभारणाऱ्या बजरंग दलाच्या कार्यकर्त्याची निर्घुण खून झाल्याची घटना नुकतीच घडली. या घटनेच्या निषेधार्थ जळगावात विश्व हिंदू परिषद आणि बजरंग दलातर्फे निदर्शने करत जोरदार घोषणा देण्यात आल्या. यावेळी जिल्हाधिकारी अभिजित राऊत यांना निवेदन देण्यात आले.
जिहादी विचारधारेच्या लोकांकडून चाकूने भोसकून श्री हर्षा याची हत्या झाल्याचा आरोप करत, संबंधित आरोपींना अटक करून मरेपर्यंत फाशी द्यावी, अशी मागणी करण्यात आली. यावेळी मोठ्या संख्येत हिंदुत्ववादी संघटनांचे पदाधिकारी कार्यकर्ते उपस्थित होते.
