लालसिंग पाटील | भडगाव, दि.२३- कजगाव येथून जवळ असले लोन पिराचे येथे पिर गैबनशाह वली फकिरा बाबा यांचा उरूस यात्रा नुकतीच संपन्न झाली. शेकडो वर्षाची परंपरा लाभलेल्या पीर बाबाची दर्गा हिंदू-मुस्लीम बांधवांच्या एकतेचे प्रतीक आहे. येथे दरवर्षी यात्रा निमित्त असंख्य हिंदू मुस्लिम बांधव मोठ्या संख्येने दर्शनासाठी येत असतात.
कोरोनामुळे गेल्या दोन वर्षापासून यात्रेवर बंधने आली होती. मात्र यंदा कोरोनाचे नियम काही अंशी शिथिल करण्यात आल्याने या वर्षी संदल मिरवणूक काढण्यात आली. येथे शेकडो वर्षापासून दर्गाचे कामकाज गावातील पाटील कुटुंबाकडे आहे. पुजारी ज्ञानेश्वर पाटील, विजय पाटील, प्रल्हाद पाटील, कैलास पाटील, रघुनाथ पाटील, संजय पाटील, भास्कर पाटील, अमीर पिंजारी, तरुण मित्र मंडळ, ग्राम पंचायत तसेच गावकऱ्यांचे सहकार्य लाभले.
