जळगाव, दि. 06 – कोरोनाच्या तिसर्या लाटेच्या पार्श्वभूमीवर जळगावात जिल्हा पत्रकार संघातील सभागृहात यंदा ‘पत्रकार दिन’ साध्या पद्धतीने साजरा करण्यात आला. दर्पणकार बाळशास्त्री जांभेकर यांच्या जयंतीनिमित्त 6 जानेवारी हा दिवस सर्वत्र पत्रकार दिन म्हणून साजरा करण्यात येतो.
जळगावात देखील जिल्हा पत्रकार संघाच्यावतीने दरवर्षी ‘पत्रकार दिन’ धूम धडाक्यात साजरा करण्यात येतो. परंतु गेल्या 2 वर्षापासून कोरोना मुळे या कार्यक्रमावर बंधने आली आहेत. त्यामुळे यावर्षी ‘पत्रकार दिन’ मर्यादित स्वरूपात शासनाने दिलेल्या नियमावली नुसार मास्क लावून, ठराविक अंतर ठेवुन कार्यक्रम संपन्न झाला.
कार्यक्रमासाठी आमदार सुरेश भोळे यांची विशेष उपस्थिती लाभली. यावेळी पत्रकार संघाचे अध्यक्ष दिलीप शिरूळे, कार्याध्यक्ष अशोक भाटिया, ग्रामीण जिल्हाध्यक्ष प्रमोद पाटील यांच्यासह पदाधिकारी, पत्रकार उपस्थित होते.
