जळगाव, दि. 29 – कोरोना सारख्या कर्तव्य कठोर काळात पोलीस दलासोबत खांद्याला खांदा लावून काम करणाऱ्या गृहरक्षक (होमगार्ड) दला तील जवानांनी विनावेतन नि:स्वार्थ भावनेने आपले राष्ट्रीय कर्तव्य पार पाडले. या कार्याची दखल घेत गृहरक्षक (होमगार्ड) चे सन्मानार्थ जळगाव जिल्हा पोलिस दला तर्फे शुक्रवारी पोलिस कवायत मैदान, पोलिस मुख्यालय जळगाव येथे कोरोना ‘योद्धा सन्मान’ सोहळा जिल्हाधिकारी अभिजीत राऊत यांच्या प्रमुख उपस्थितीत संपन्न झाला.
यावेळी जिल्हा पोलिस अधीक्षक डॉ. प्रविण मुंढे, जिल्हा होमगार्ड समादेशक तथा अपर पोलिस अधिक्षक चंद्रकांत गवळी, सहाय्यक पोलिस अधीक्षक कुमार चिंता यांचे हस्ते १४० गृह रक्षक (होमगार्ड) जवानांचा गौरवपत्र व पुष्पगुच्छ देवून सन्मानित करण्यात आले. दरम्यान कार्यक्रमाचे प्रास्ताविक जिल्हा होमगार्ड समादेशक तथा अपर पोलिस अधिक्षक चंद्रकांत गवळी यांनी केले.
डी वाय एस पी (गृह) विठ्ठल ससे, दहशतवाद विरोधी विभागाचे प्रमुख पोलीस उप निरीक्षक चंद्रकांत पाटील, सहाय्यक पोलीस उप निरीक्षक भास्कर पाटील, प्रदिप बडगुजर, श्रावण पगारे, प्रविण पाटील, अजय पाटील, नवजित चौधरी, राहूल बैसाणे, प्रमोद वाड़ीले, प्रशिक्षक राजेश वाघ, देवीदास वाघ, सोपानदेव पाटील, यांनी कार्यक्रमाचे नियोजन केले.
राखीव पोलीस निरीक्षक संतोष सोनवणे, वायरलेस विभागाचे पोलिस उपनिरीक्षक संजय मराठे, पोलिस कल्याण विभागाचे रावसाहेब गायकवाड, सतिश देसले यांनी सहकार्य केले. दहशतवाद विरोधी विभागाचे प्रमुख पोलीस उप निरीक्षक चंद्रकांत पाटील यांनी ऋण निर्देश व्यक्त केले. पोलिस बिनतारी संदेश विभागाचे अमित माळी यांनी कार्यक्रमाचं सुत्र संचलन केले.
