• Home
  • आमच्या विषयी
  • संपर्क
Khandesh Prabhat | खान्देश प्रभात
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी
No Result
View All Result
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी
No Result
View All Result
Khandesh Prabhat | खान्देश प्रभात
No Result
View All Result

जळगावात चोरट्यांचा धुमाकूळ; एकाच वेळी तीन बंद घरांना केले लक्ष्य

कटरने कडीकोयंडे तोडून रोकड, मौल्यवान वस्तूंवर डल्ला; सीसीटीव्हीत तीन चोरटे कैद, एक संशयित ताब्यात

हेमंत पाटील (जळगावकर) by हेमंत पाटील (जळगावकर)
November 16, 2026
in गुन्हे, जळगाव जिल्हा
0
जळगावात चोरट्यांचा धुमाकूळ; एकाच वेळी तीन बंद घरांना केले लक्ष्य

जळगाव, प्रतिनिधी :  शहरातील गिरणा पंपिंग रोड परिसरातील शाम नगरात चोरट्यांनी एकाच रात्री तीन बंद घरांना लक्ष्य करत चोरी केल्याची घटना उघडकीस आली आहे. कटरच्या सहाय्याने दरवाजांचे कुलूप आणि कडीकोयंडे तोडून घरात प्रवेश करत चोरट्यांनी रोकड आणि मौल्यवान वस्तूंवर डल्ला मारला. रविवारी पहाटे साडेचार वाजेच्या सुमारास हा प्रकार समोर आला. विशेष म्हणजे, चोरीच्या घटनेतील तीन संशयित चोरटे एका घराबाहेर लावलेल्या सीसीटीव्ही कॅमेऱ्यात कैद झाले आहेत. या फुटेजच्या आधारे पोलिसांनी एका संशयिताला ताब्यात घेतले असून अन्य साथीदारांचा शोध सुरू आहे.

शहरातील शाम नगर परिसरात एकाच रांगेत असलेली तीन घरे चोरट्यांनी हेरली होती. रविवारी पहाटे साडेतीन वाजेच्या सुमारास डोक्यावर टोपी, चेहऱ्यावर मास्क आणि हातात हातमोजे घातलेले तीन जण परिसरात दाखल झाले. त्यांनी कटरच्या सहाय्याने घरांचे कुलूप आणि कडीकोयंडे तोडून आत प्रवेश केला. त्यानंतर घरातील साहित्याची उचकापाचक करत कपाटांचे लॉकर उघडले आणि त्यातील ऐवज घेऊन पसार झाले.

तीन घरांपैकी एका घराचे मालक रविवारी सायंकाळी घरी परतल्यानंतर चोरीचा प्रकार त्यांच्या लक्षात आला. त्यांच्या घरातून सुमारे दहा हजार रुपयांची रोकड चोरीला गेल्याचा प्राथमिक अंदाज आहे. उर्वरित दोन घरांचे मालक बाहेरगावी असल्याने त्यांच्या घरातून नेमका किती ऐवज चोरीला गेला, हे अद्याप स्पष्ट झालेले नाही. हे दोन्ही घरमालक सोमवारी परतल्यानंतर चोरीचा नेमका तपशील समोर येण्याची शक्यता आहे.

चोरीच्या वेळी चोरटे बॅटरीच्या प्रकाशात घराचे कुलूप तोडताना दिसत आहेत. त्यापैकी एक जण घराच्या दरवाजाजवळ थांबून बाहेरच्या हालचालींवर लक्ष ठेवत असल्याचेही सीसीटीव्ही फुटेजमध्ये दिसून आले आहे. संबंधित घराबाहेर लावलेल्या कॅमेऱ्यात तिघांच्या हालचाली कैद झाल्या असून पोलिसांनी हे फुटेज ताब्यात घेतले आहे.

चोरी झालेल्या घरांच्या शेजारीच एक सेवानिवृत्त पोलीस उपनिरीक्षक राहतात. पहाटेच्या सुमारास घराबाहेर आवाज झाल्याने त्यांना जाग आली. त्यांनी परिस्थितीचा अंदाज घेत शिट्टी वाजवली. शिट्टीचा आवाज ऐकताच चोरट्यांनी घटनास्थळावरून पळ काढला.

घटनेची माहिती मिळताच रामानंद नगर पोलिसांनी घटनास्थळी धाव घेत पाहणी केली. सीसीटीव्ही फुटेजच्या आधारे पोलिसांनी एका संशयिताला ताब्यात घेतले असून त्याच्या अन्य साथीदारांचा शोध सुरू आहे. घटनेबाबत रात्री उशिरापर्यंत तक्रार दाखल करण्याची प्रक्रिया सुरू असल्याने गुन्हा दाखल झालेला नव्हता. बाहेरगावी असलेले घरमालक परतल्यानंतर चोरीला गेलेल्या मुद्देमालाचा नेमका तपशील स्पष्ट होणार आहे.


 

ताज्या बातम्या

जळगावात चोरट्यांचा धुमाकूळ; एकाच वेळी तीन बंद घरांना केले लक्ष्य
गुन्हे

जळगावात चोरट्यांचा धुमाकूळ; एकाच वेळी तीन बंद घरांना केले लक्ष्य

November 16, 2026
सरस्वती वहनाचे भक्तीमय स्वागत; मंत्री गिरीश महाजन यांची विशेष उपस्थिती
जळगाव जिल्हा

सरस्वती वहनाचे भक्तीमय स्वागत; मंत्री गिरीश महाजन यांची विशेष उपस्थिती

November 15, 2026
जळगाव जिल्हा पुरुष खो-खो संघाची निवड चाचणी उत्साहात; ५१ खेळाडूंचा उत्स्फूर्त सहभाग
क्रिडा

जळगाव जिल्हा पुरुष खो-खो संघाची निवड चाचणी उत्साहात; ५१ खेळाडूंचा उत्स्फूर्त सहभाग

November 15, 2026
भगवान बिरसा मुंडा यांची १५१ वी जयंती भाजप कार्यालयात उत्साहात साजरी
Uncategorized

भगवान बिरसा मुंडा यांची १५१ वी जयंती भाजप कार्यालयात उत्साहात साजरी

November 15, 2026
जिल्हाभर पोलिसांची विशेष तपासणी मोहीम; वाहतूक नियम मोडणाऱ्यांना दणका
Uncategorized

जिल्हाभर पोलिसांची विशेष तपासणी मोहीम; वाहतूक नियम मोडणाऱ्यांना दणका

November 15, 2026
लाच स्वीकारताना महावितरणचा सहाय्यक अभियंता एसीबीच्या जाळ्यात
गुन्हे

लाच स्वीकारताना महावितरणचा सहाय्यक अभियंता एसीबीच्या जाळ्यात

November 15, 2026
  • Home
  • आमच्या विषयी
  • संपर्क

© 2026 JNews - Premium WordPress news & magazine theme by Jegtheme.

error: Content is protected !!
No Result
View All Result
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी

© 2026 JNews - Premium WordPress news & magazine theme by Jegtheme.

WhatsApp-Add