भडगाव, दि. 25 – तालुक्यातील कजगाव येथे पोलीस स्टेशनला कार्यरत असलेले पोलीस नाईक विजय पंडित पाटील यांनी सात वर्षे सेवा बजावली. दरम्यान पाटील यांची चाळीसगाव येथे ग्रामीण पोलीस स्टेशनला बदली झाल्याने कजगाव ग्रामपंचायत आणि ग्रामस्थांच्या वतीने त्यांचा सत्कार करण्यात आला.
पोलीस नाईक विजय पंडित पाटील यांचा मनमिळावू स्वभाव आणि सर्वांना सहकार्य करण्याची भूमिका यामुळे त्यांनी ग्रामस्थांची मने जिंकले होती. कोणत्याही वेळी तप्तर असणे व सहकार्याची भूमिका बजावणारे कर्तव्यदक्ष असे पोलीस कर्मचारी कजगाव पोलिस स्टेशनला लाभले. भडगाव पोलीस स्टेशनचे पोलीस निरीक्षक अशोक उतेकर यांचे त्यांना वेळोवेळी मार्गदर्शन मिळाले असल्याचे पोलीस नाईक विजय पाटील यांनी सांगितले.
सत्कार कार्यक्रमाप्रसंगी सरपंच दिनेश पाटील, पंचायत समिती उपसभापती रावण श्रीपत भील, ग्रामसेवक नारायण महाजन, पृथ्वीराज पाटील, अनिल महाजन, सुनील पाटील, संजय पाटील, रवि मालचे, सादिक मन्यार, आमीन पिंजारी, लुकमान मन्यार, प्रकाश पाटील, नामदेव वाघ आदींसह ग्रामस्थ उपस्थित होते.