फराज अहमद | जामनेर,दि. 24 – पळासखेडे मिराचे येथे एकात्मिक बालविकास सेवा योजना जामनेर प्रकल्प=2 अंतर्गत दि. 1 ते 30 सप्टेबर दरम्यान राष्ट्रीय पोषण माह साजरा केला जात आहे. त्या अनुषंगाने शुक्रवारी पळासखेडे मिराचे येथे महिलांसाठी पाककृती स्पर्धा, रांगोळी स्पर्धा, उखाणे स्पर्धा, घेण्यात आली.
या स्पर्धांमध्ये गावातील महिलांनी भाग घेवून वेगवेगळ्या पाककृती बनवल्या, कार्यक्रमला प्रमुख पाहुणे म्हणून माजी पंचायत समिती सभापती संगीता पिठोठे, सरपंच कांताबाई राजपुत, उपसरपंच रवि हडप, आय.सि.डी.एस. पर्यवेक्षिका स्वप्ना कुमावत उपस्थित होत्या. कार्यक्रम यशस्वीतेसाठी गावातील अंगणवाडी सेविका प्रेमलता पांडे, शारदा माळी, साधना सूर्यवंशी, सुनिता पवार, विजया देवरे, अरूणा पाटील व सर्व अंगणवाडी मदतनीस यांनी सहकार्य केले. तसेच नेरी दिगर बिटातील सेविका, मदतनीस, जिल्हा परिषदेच्या शाळेतील शिक्षिका, स्टाॅफ, आशा वर्कर यांनी सहकार्य केले.
