कोलकाता येथील आरजी कर मेडिकल कॉलेजमधील घटना
कोलकाता (वृत्तसंस्था) : एका ट्रेनी महिला डॉक्टरवर बलात्कार करण्यात येऊन तिची अत्यंत निर्घृण हत्या करण्यात आल्याचा धक्कादायक प्रकार पश्चिम बंगालच्या कोलकाता येथील आरजी कर मेडिकल कॉलेजमध्ये उघडकीस आला असून याप्रकरणात पोलिसांनी सीसीटीव्ही फुटेजच्या आधारावर एका व्यक्तीला ताब्यात घेतले आहे. महिला डॉक्टर मेडीकल कॉलेजच्या सेमिनार हॉलमध्ये बेशुद्धा अवस्थेत सापडली होती. तात्काळ तिला रुग्णालयात दाखल करण्यात आलं. पण डॉक्टर तिला वाचवू शकले नाहीत.
पोलिसांनी शुक्रवारी या प्रकरणात सीसीटीव्ही फुटेजच्या आधारावर एकाला अटक केली. स्थानिक पोलिसांनी बलात्काराचा गुन्हा नोंदवला आहे. ती ट्रेनी डॉक्टर सेकंड ईयरची विद्यार्थिनी होती. पोलिसांनी मृतदेह शव विच्छेदनासाठी पाठवला आहे. या प्रकरणाच्या चौकशीसाठी बंगाल पोलिसांनी एसआयटीची स्थापना केली आहे. शव विच्छेदनातून लैंगिक छळ आणि त्यानंतर हत्या झाल्याच समोर आलं आहे. पीडितेचे दोन्ही डोळे आणि तोंडातून रक्त येतं होतं. चेहरा आणि नखांवर जखमा होत्या. पीडितेच्या प्रायवेट पार्टवर सुद्धा जखमा झालेल्या आहेत.
