बोदवड | दि. ०२ ऑगस्ट २०२४ | विषारी द्रव सेवन करीत तालुक्यातील मुक्तळ गावातील माजी सरपंच जितेंद्र पाटील यांनी आत्महत्या केल्याची घटना उघडकीस आली असून त्यांना उपचारासाठी जळगाव येथे हलवल्यानंतर बुधवार दिनांक ३१ रोजी रात्री त्यांचा उपचारादरम्यान मृत्यू झाला.
मुक्तळ गावात जितेंद्र पाटील यांच्या मार्गदर्शनाखाली त्यांच्या पत्नी पल्लवी पाटील या विकासकामे करीत होत्या. विकासकामे करण्यासाठी लागणारे पैसे त्यांनी घरून खर्च केले व नातेवाइकांकडूनही पैसे घेतले. मात्र कामाचे बिल न निघाल्याने त्यांना नैराश्य आले व शेतीसाठी देखील पैसा लागत असल्याने ते हतबल झाले. त्या तणावातून त्यांनी आत्महत्या केल्याचे ग्रामस्थ माहिती देत आहेत.
