जळगाव, दि.०३ – श्री संत गजानन महाराज यांच्या प्रगट दिनाचे औचित्य साधून शहरातील शिवाजीनगर प्रभाग क्र. १, इंद्रप्रस्थ नगर मधील केशरबाग परिसरात खुल्याजागेच्या सुशोभिकरण कामाचे उद्घाटन आमदार सुरेश भोळे (राजुमामा) यांच्या हस्ते संपन्न झाले.
खुल्या जागेच्या शुशोभीकरणाची मागणी केशरबाग परिसरातील नागरिकांनी आमदार सुरेश भोळे (राजुमामा) यांच्याकडे केली होती. दरम्यान रविवारी परिसरातील ज्येष्ठ नागरिकांच्या उपस्थितीत हा कार्यक्रम संपन्न झाला.
याप्रसंगी माजी नगरसेवक राजेंद्र मराठे, मंडल क्र. १ अध्यक्ष संजय शिंपी, संजय सोनवणे, महेश चौधरी, मंगेश जोहरे, संगीता पाटील यांच्यासह परिसरातील नागरिक उपस्थित होते.
