जळगाव, दि.१० – महाराष्ट्र राज्याचे मुख्यमंत्री एकनाथ शिंदे हे दुपारी साडेबारावाजेच्या सुमारास जळगाव विमानतळावर दाखल झाले. ते चोपडा तालुक्याचे माजी आमदार प्रा.चंद्रकांत सोनवणे यांच्या मुलीच्या विवाहाला हजेरी लावून नवदाम्पत्यास आशीर्वाद देणार आहेत.
मुख्यमंत्री एकनाथ शिंदे यांच्यासह वन व सांस्कृतिक मंत्री सुधीर मुनगंटीवार, खनिकर्म मंत्री दादा भुसे हे देखील जळगावात आले आहेत. त्याचबरोबर ग्रामविकास, पंचायत राज व युवक कल्याण मंत्री गिरीश महाजन, राज्याचे पाणी पुरवठा व स्वच्छता मंत्री तथा जळगाव जिल्ह्याचे पालकमंत्री गुलाबराव पाटील, आमदार चिमणराव पाटील, आ. किशोर पाटील विमानतळावर उपस्थित होते. यावेळी मुख्यमंत्र्यांसह मान्यवरांचे विमानतळावर स्वागत करण्यात आले.
