एरंडोल, दि. १३ – राजापूर येथील महानगरी टाईम्सचे पत्रकार शशिकांत वारीशे यांच्या हत्येचा एरंडोल तालुका पत्रकार संघातर्फे सोमवारी तिव्र निषेध करण्यात आला व तहसीलदार यांना निवेदन देण्यात आले. दरम्यान संघाच्या कार्यालयात शोकसभा घेण्यात आली. सभेचे अध्यक्षस्थानी जळगाव जिल्हा पत्रकार संघाचे कार्याध्यक्ष प्रमोद पाटील होते.
यावेळी संघाचे तालुकाध्यक्ष बी.एस.चौधरी, किशोर मोराणकर, प्रविण महाजन, प्रमोद चौधरी आदी पत्रकारांनी आपल्या भावना व्यक्त केल्या. यानंतर एरंडोल तालुक्याच्या तहसिलदार सुचिता चव्हाण यांना निवेदन देण्यात आले. याप्रसंगी जिल्हा पत्रकार संघाचे कार्याध्यक्ष शैलेश चौधरी, कैलास महाजन, कासोदा येथील अब्दुल हक अब्दुल देशमुख, रोहीदास पाटील, चंद्रभान पाटील, नितिन ठक्कर, राजधर महाजन, संजय बागड,पंकज महाजन, उमेश महाजन, नितिन पाटील, देविदास सोनवणे आदी पदाधिकारी उपस्थित होते.
या प्रकरणी पत्रकार संरक्षण कायद्यानुसार गुन्हा दाखल होऊन या खटल्याची सुनावणी जलदगती न्यायालयात व्हावी व वारीशे यांच्या कुटुंबियांना न्याय मिळवून द्यावा, अशी मागणी करण्यात आली.
