अमळनेर, दि.३० – तालुक्यासह जिल्ह्यात येत्या दसऱ्याच्या दिवशी होणारे रावण दहन थांबवावे अशी मागणी आदिवासी एकता परिषदेतर्फे गुरूवारी निवेदनातुन करण्यात आली.
निवेदनात त्यांनी म्हटले आहे की, रावण हा आदिवासी महात्मा होता. रावणाचा अत्यंत द्वेष व विकृत मानसिकता ठेवून पुतळा दहन केला जातो. आणि यामुळे देशातील आदिवासींना हीन भावनेने वागणूक मिळत असते. तसेच रावण दहन करणे हा आदिवासी समाजाचा अपमान असल्याचे सांगत, अमळनेर तालुक्यासह जिल्ह्यात होणाऱ्या रावण दहन कार्यक्रमाला परवानगी देऊ नये अशी मागणी आदिवासी एकता परिषदेने केली आहे.
या बाबत अमळनेर प्रांताअधिकारी सीमा अहिरे, पोलिस उपअधीक्षक राकेश जाधव, तहसीलदार मिलिंदकुमार वाघ, आदींना निवेदन देण्यात आले. यावेळी आदिवासी एकता परिषदेचे तालुकाध्यक्ष आनंद पवार , महेंद्र पवार आदींसह समाज बांधव उपस्थित होते.
