अमळनेर, दि. १० – आषाढी एकादशी निमित्त महाराष्ट्राचे आराध्य दैवत असलेल्या विठ्ठल रुक्मिणीचे ठीक ठिकाणी पूजन व पालखी दिंडी सोहळ्याचे आयोजन करण्यात आले. दरम्यान अमळनेर शहरातील पी.बी.ए. इंग्लिश मीडियम स्कुल, अॅड. ललिता पाटील इंटरनॅशनल स्कूल तसेच न्यु व्हिजन इंग्लिश मीडियम स्कुल मधील बालगोपाल तसेच विद्यार्थी विद्यर्थीनी मोठ्या संख्येत सहभागी झाले होते.
यावेळी शहरातून विठ्ठल नामाच्या गजरात पालखी सोहळा व दिंडी निघाली. अनेक बालगोपाल यांनी श्री विठ्ठल रुक्मिणी, वारकरींचा वेश परिधान करून संपूर्ण शहराचे लक्ष वेधून घेतले. तसेच फुगडी खेळण्याचा मनमुराद आनंद लुटला. यावेळी सचिन खंडारे मित्रपरिवारा कडून चॉकलेट व बिस्किटे वाटप करण्यात आली.
तर दुसरीकडे ऍड.ललिता पाटील इंटरनॅशनल स्कुल मध्ये आषाढी एकादशी साजरी करण्यात आली. श्री विठ्ठल पांडुरंगास अभिवादन करण्यासाठी व आजच्या पिढीला आपल्या परंपरा, संस्कृती आणि संतांच्या कार्याची ओळख करून देण्यासाठी भजन, अभंग गायन, पालखी मिरवणूकीचे आयोजन करण्यात आले. यावेळी विठ्ठल रुक्मिणी सारखी वेशभूषा साकारलेले विद्यार्थी सर्वांचे लक्ष वेधून घेतले.
यावेळी शाळेचे प्राचार्य विकास चौधरी यांनी पालखीचे पूजन केले शाळेतील शिक्षिका सुरेखा सोनगडकर, जयश्री भोसले, मंगला चौधरी ,वर्षा चुंबळकर, चारुशीला पाटील, रुचिता पाटील, अश्विनी चौधरी, देवयानी पाटील, सुरेखा सैंदाणे, जोत्स्ना भोसले, नयनतारा सैंदाणे, मुस्कान ढिगराई आदी शिक्षकवृंद उपस्थित होते.
