जळगाव, प्रतिनिधी : धावत्या रेल्वेचा धक्का लागून अमर प्रकाश बडगुजर (वय ३४, रा. आहुजा नगर) या तरुणाचा दुर्दैवी मृत्यू झाला. ही घटना २ ऑक्टोबर रोजी रात्री खंडेराव नगर रेल्वे पुलाजवळ घडली.
खंडेराव नगरनजीक असलेल्या रेल्वे पुलाजवळ खांबा क्रमांक ४१६/२१ ते ४१६/२३ दरम्यान अमर बडगुजर यांना धावत्या रेल्वेचा धक्का लागला. या घटनेची माहिती मिळताच त्यांना तातडीने शासकीय वैद्यकीय महाविद्यालय व रुग्णालयात दाखल करण्यात आले. मात्र, वैद्यकीय अधिकाऱ्यांनी तपासणी करून त्यांना मृत घोषित केले.
याप्रकरणी रामानंदनगर पोलिस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ जितेंद्र राठोड करीत आहेत.
