• Home
  • आमच्या विषयी
  • संपर्क
Khandesh Prabhat | खान्देश प्रभात
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी
No Result
View All Result
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी
No Result
View All Result
Khandesh Prabhat | खान्देश प्रभात
No Result
View All Result

रिक्षात बसवून महिलेच्या गळ्यातील सोन्याची पोत लांबविणारे तिघे जेरबंद

स्थानिक गुन्हे शाखेची कारवाई; १ लाख २५ हजारांचा मुद्देमाल हस्तगत, आरोपींकडून गुन्ह्याची कबुली

हेमंत पाटील (जळगावकर) by हेमंत पाटील (जळगावकर)
October 2, 2026
in खान्देश, गुन्हे, जळगाव जिल्हा
0
रिक्षात बसवून महिलेच्या गळ्यातील सोन्याची पोत लांबविणारे तिघे जेरबंद

जळगाव, प्रतिनिधी : ररिक्षामध्येघरी सोडण्याचे आमिष दाखवून महिलेला रिक्षात बसविल्यानंतर तिच्या गळ्यातील सोन्याची पोत जबरदस्तीने हिसकावून पसार झालेल्या तिघांना स्थानिक गुन्हे शाखेच्या पथकाने नशिराबाद परिसरातून ताब्यात घेतले. आरोपींकडून २.५ ग्रॅम वजनाचे सोन्याचे पेंडल व काळे मणी असलेले मंगळसूत्र तसेच गुन्ह्यात वापरलेली तीनचाकी रिक्षा, असा एकूण १ लाख २५ हजार रुपयांचा मुद्देमाल हस्तगत करण्यात आला आहे.

२७ सप्टेंबर रोजी सायंकाळी चार वाजेच्या सुमारास संबंधित महिला बाजार करून पायी घरी जात असताना दगडी पुलाजवळील म्हसोबा मंदिर परिसरात एक रिक्षा तिच्याजवळ आली. रिक्षाचालकाने ‘तुम्हाला घरी सोडतो’, असे सांगितल्याने महिला रिक्षेच्या मागील बाजूस बसली. त्यावेळी रिक्षेत असलेल्या दोन अनोळखी इसमांनी महिलेच्या गळ्यातील अंदाजे २.५ ग्रॅम वजनाची सोन्याची पोत जबरदस्तीने हिसकावून नेली.

या घटनेप्रकरणी महिलेच्या फिर्यादीवरून भुसावळ शहर पोलीस ठाण्यात गुन्हा दाखल करण्यात आला. गुन्ह्याचे गांभीर्य लक्षात घेऊन पोलीस अधीक्षक श्रीकांत धिवरे यांनी स्थानिक गुन्हे शाखेचे पोलीस निरीक्षक राहुल गायकवाड यांना गुन्ह्याचा समांतर तपास करून आरोपींचा शोध घेण्याच्या तसेच चोरीचा मुद्देमाल हस्तगत करण्याच्या सूचना दिल्या.

तपास पथकाने घटनास्थळी भेट देऊन परिसरातील सीसीटीव्ही फुटेजची पाहणी तसेच तांत्रिक तपास केला. त्याचबरोबर गोपनीय माहितीच्या आधारे आरोपींचा शोध सुरू करण्यात आला. मिळालेल्या गोपनीय माहितीच्या आधारे पथकाने मुकेरिया हॉटेल, नशिराबाद परिसरात सापळा रचून तीन संशयितांना ताब्यात घेतले. त्यांची नावे वसीम शेरअली तेली (वय ३८, रा. झोपडीजवळ, फातेमा नगर, एमआयडीसी, जळगाव), अरबाज खान अय्युब खान (वय २६, रा. शिवाजीनगर चौक, जळगाव) आणि वसीम अजमल खान (वय ३६, रा. साती मजार, नशिराबाद) अशी आहेत.

ताब्यात घेतलेल्या आरोपींची कौशल्यपूर्ण व सखोल चौकशी केली असता त्यांनी सदर गुन्हा केल्याची कबुली दिल्याचे पोलिसांनी सांगितले. आरोपींकडून २.५ ग्रॅम वजनाचे सोन्याचे पेंडल व काळे मणी असलेले मंगळसूत्र, अंदाजे किंमत २५ हजार रुपये, तसेच गुन्ह्यात वापरलेली तीनचाकी रिक्षा किंमत १ लाख रुपये, असा एकूण १ लाख २५ हजार रुपयांचा मुद्देमाल हस्तगत करण्यात आला. तपासात ताब्यात घेतलेल्या आरोपींपैकी वसीम शेखअली तेली याच्याविरुद्ध यापूर्वी विविध पोलीस ठाण्यांमध्ये गुन्हे दाखल असल्याचे समोर आले आहे. तसेच वसीम अजमल खान याच्याविरुद्धही एमआयडीसी पोलीस ठाण्यात गुन्हा दाखल असल्याची माहिती पोलिसांनी दिली.

ही कारवाई पोलीस अधीक्षक श्रीकांत धिवरे, अपर पोलीस अधीक्षक संदीप गावीत, जळगाव परिमंडळ तसेच उपविभागीय पोलीस अधिकारी नितीन गणापुरे, जळगाव विभाग यांच्या मार्गदर्शनाखाली करण्यात आली. स्थानिक गुन्हे शाखेचे पोलीस निरीक्षक राहुल गायकवाड यांच्या नेतृत्वाखाली पोलीस उपनिरीक्षक जितेंद्र वल्टे, पोलीस हेड कॉन्स्टेबल अकरम शेख, किशोर पाटील, संदीप चव्हाण, गोपाळ गव्हाळे, विकास सातदिवं, उमाकांत पाटील तसेच पोलीस कॉन्स्टेबल प्रशांत परदेशी आणि राहुल वानखेडे यांच्या पथकाने ही कारवाई केली.


 

Next Post
आदिवासी योजनांच्या सामाजिक परिणामांच्या विश्लेषण अहवालाचे आदिवासी विकास मंत्री यांच्या हस्ते प्रकाशन

आदिवासी योजनांच्या सामाजिक परिणामांच्या विश्लेषण अहवालाचे आदिवासी विकास मंत्री यांच्या हस्ते प्रकाशन

ताज्या बातम्या

व्यसन आणि आक्रमकतेच्या विळख्यातून किशोरवयीन मुलाची सुटका
आरोग्य

व्यसन आणि आक्रमकतेच्या विळख्यातून किशोरवयीन मुलाची सुटका

November 21, 2026
पिंप्राळा-निमखेडी परिसरातील रस्ते व गटारींच्या विकासकामांना सुरुवात; पालकमंत्र्यांच्या हस्ते भूमिपूजन
जळगाव जिल्हा

पिंप्राळा-निमखेडी परिसरातील रस्ते व गटारींच्या विकासकामांना सुरुवात; पालकमंत्र्यांच्या हस्ते भूमिपूजन

November 21, 2026
केरळी महिला ट्रस्टच्या अयप्पा स्वामी मंदिरात २३ नोव्हेंबरपासून कार्तिक पौर्णिमा उत्सव
जळगाव जिल्हा

केरळी महिला ट्रस्टच्या अयप्पा स्वामी मंदिरात २३ नोव्हेंबरपासून कार्तिक पौर्णिमा उत्सव

November 21, 2026
महादेव हॉस्पिटलमध्ये दुर्बिणीद्वारे केली मणक्याची यशस्वी शस्त्रक्रिया
आरोग्य

महादेव हॉस्पिटलमध्ये दुर्बिणीद्वारे केली मणक्याची यशस्वी शस्त्रक्रिया

November 21, 2026
नोटा बदलण्याच्या बहाण्याने महिलेची १९ हजार ५०० रुपयांची फसवणूक
गुन्हे

नोटा बदलण्याच्या बहाण्याने महिलेची १९ हजार ५०० रुपयांची फसवणूक

November 21, 2026
१५४ वर्षांची परंपरा लाभलेल्या श्रीराम रथोत्सव आज ; सर्वत्र भाविक भक्तांमध्ये उत्साहाचे वातावरण
जळगाव जिल्हा

१५४ वर्षांची परंपरा लाभलेल्या श्रीराम रथोत्सव आज ; सर्वत्र भाविक भक्तांमध्ये उत्साहाचे वातावरण

November 21, 2026
  • Home
  • आमच्या विषयी
  • संपर्क

© 2026 JNews - Premium WordPress news & magazine theme by Jegtheme.

error: Content is protected !!
No Result
View All Result
  • Home
  • राज्य
  • राष्ट्रीय
  • राजकीय
  • मनोरंजन
  • गुन्हे
  • सामाजिक
  • शैक्षणिक
  • संपर्क
  • आमच्या विषयी

© 2026 JNews - Premium WordPress news & magazine theme by Jegtheme.

WhatsApp-Add