जळगाव : गोवंशीय जनावराची कत्तल करून त्याचे मांस विक्रीच्या उद्देशाने जवळ बाळगल्याप्रकरणी पोलिसांनी एका संशयितास अटक केली. बुधवारी रात्री दीड वाजेच्या सुमारास शहरातील मास्टर कॉलनीतील हैदर मेडिकलजवळ पोलिसांच्या गस्तीवेळी ही कारवाई करण्यात आली.
पोलिसांनी संशयिताच्या घरामागून प्लास्टिकच्या बादलीत ठेवलेले अंदाजे १० किलो गोवंशाचे मांस, किंमत सुमारे २ हजार रुपये, जप्त केले. याप्रकरणी शेख साजिद शेख युसुफ कुरेशी (वय ३२, रा. मास्टर कॉलनी) याला अटक करण्यात आली आहे. गुन्ह्याचा तपास हवालदार दीपक महाजन करीत आहेत.
