यावल शिवारातील घटना
यावल (प्रतिनिधी ) ;- सकाळी शेतात कामासाठी मजुर घेवुन जाणारा ट्रॅक्टर पलटी होऊन झालेल्या अपघातात चार मजुर जखमी झाले असुन एकाची प्रकृती गंभीर असल्याची घटना येथील यावल शिवारात घडली . या अपघातात राहुल वासकर बारेला, सागर अशोक मालाचे, पंडू सालदार बारेला व भुरा भैय्या बारेला हे चार मजुर जखमी झाले आहे.
या सर्व जखमींना उपचारासाठी यावलच्या ग्रामीण रूग्णालयात दाखल करण्यात आले असता रूग्णालयात डॉ प्रशात जावळे व वैद्यकीय अधिकारी डॉ. प्रितम सोमनाथे यांनी त्यांच्यावर तातडीने प्रथमपचार केले. यातील दोन जणांना जळगाव येथे पुढील उपचारासाठी पाठविण्यात आले असुन त्यात एकाची प्रकृती ही गंभीर असल्याची माहिती आहे . दरम्यान घटनेची माहीती मिळताच डॉ. कुंदन फेगडे यांनी तात्काळ यावलच्या ग्रामीण रुग्णालयात धाव घेत जख्मी आपल्या परी योग्य ती मदत केली , या प्रसंगी भारतीय जनता पक्षाचे तालुका अध्यक्ष उमेश फेगडे, ओबीसी सेलचे जिल्हा उपाध्यक्ष हेमराज फेगडे आदीनी रुग्णांना सहकार्य केले.
