अमळनेर, दि.१३ – तालुक्यातील मांडळ येथील दोन शिक्षकाचे कुटुंब राजस्थान येथे फिरायला गेले असता मंगळवारी १३ रोजी त्यांचा अपघात झाल्याची घटना समोर आली आहे. राजस्थान मधील जैसलमेर येथे त्यांच्या वाहनाला कंटेनरची धडक लागून हा अपघात झाला. यात पाच जणांचा जागीच मृत्यू झाल्याने एकच खळबळ उडाली.
मांडळ येथील शिक्षक धनराज नागराज सोनवणे (वय ५५ ) राहणार बेटावद आणि योगेश धोंडू साळुंखे राहणार पिंपळे रोड अमळनेर या दोन्ही शिक्षकांचे कुटुंब राजस्थान येथे फिरायला गेले होते. दरम्यान चारचाकी वाहनातुन जात असताना आज दुपारी पावणे तीन वाजेच्या सुमारास बारमेर रस्त्यावर डोरीमना गावाजवळ त्यांच्या वाहनाची व कंटेनरची धडक झल्याने हा अपघात झाला.
या अपघातात धनराज सोनवणे वय-५५ व त्यांची मुलगी नाव महित नाही, गायत्री योगेश साळुंखे वय-३०, प्रशांत योगेश साळुंखे वय-७, भाग्यलक्ष्मी साळुंखे वय-१ अशा पाच जणांचा जागीच मृत्यू झाला तर धनराज सोनवणे यांच्या पत्नी गंभीर जखमी आहेत. मंत्री अनिल पाटील व माजी आमदार शिरीष चौधरी यांनी अपघात ग्रस्तांच्या मदतीसाठी तातडीने तेथील जिल्हाधिकारी व पोलीस अधिक्षकांशी बोलणे केले.
