जळगाव, दि.२४ – मेहरूण परिसरातील श्री संत ज्ञानेश्वर प्राथमिक व माध्यमिक विद्यालया मध्ये पर्यावरण पूरक सीड राखी हा उपक्रम राबविण्यात आला. ‘रक्षाबंधनच्या काळामध्ये अनेकदा प्लास्टिकच्या किंवा पर्यावरणाला घातक अशा राख्या बाजारामध्ये उपलब्ध असतात. या राख्या दिसायला आकर्षक असतात. मात्र, या राख्यांमुळे पर्यावरणाला मोठ्या प्रमाणात हानी होते. याच गोष्टीकडे लक्ष देऊन शाळेत पर्यावरण पूरक सीड राखी हा उपक्रम राबविण्यात आला.
ही राखी वापरून झाल्यावरती माती मध्ये लावू शकता आणि यापासून रोपे उगवू शकतात. मेथीच्या बिया, भोपळ्याच्या बिया, कोथिंबीर बिया, फुलझाड्यांच्या बिया अशा विविध बियांचा वापर या राखीत केला गेलेला आहे. पर्यावरणपूरक सीड राखी ही संकल्पना नावीन्यपूर्ण असून सध्याच्या परिस्थितीत पर्यावरणाच्या होणाऱ्या हानीला प्रेरणा देणारी असल्याचे मत शाळेचे मुख्याध्यापक मुकेश नाईक यांनी व्यक्त केले.