जळगाव, दि. ०२ – माहेश्वरी विद्या प्रसारक संचलित अभिनव माध्यमिक विद्यालय येथे गणेश उत्सवानिमित्त विद्यालयात इयत्ता नववी मधील आयान खान पठाण या विद्यार्थ्याने पर्यावरण पूरक अशी गणेश मूर्ती स्थापनेसाठी दिली. तसेच या वर्षी विद्यालयातर्फे गणेशोत्सव विद्यार्थी पालक शिक्षक यांच्या लोकसभागातून सजावट व प्रसादाचे नियोजन करण्यात आले.
यावेळी विद्यालयातील नववीच्या विद्यार्थ्यांनी तिरंगा मोदक प्रसाद म्हणून दिला. लेझिम, रांगोळी, हार, सजावटीत विद्यार्थ्यांनी सहभाग नोंदविला. सामाजिक सलोखा, एकात्मता जपण्यासाठी बेटी बचाव बेटी पढाव, वसुंधरा संवर्धन म्हणून प्लास्टिक मुक्त शहर महाराष्ट्रातील सांस्कृतिक परंपरा यावर विविध वेशभूषा सादर करीत इयत्ता आठवी ते दहावीच्या विद्यार्थ्यांनी विविधतेतून एकतेचा संदेश दिला.
दरम्यान या उपक्रमाचे कौतुक म्हणून जळगाव जिल्हा पोलिस अधीक्षक डाॅ. प्रवीण मुंडे यांनी विद्यालयात भेट देऊन विद्यार्थी आयान खान व त्याच्या कुटुंबियांचे कौतुक केले. तसेच अभिनव विद्यालयातील हा अभिनव उपक्रम समाजाला राष्ट्रीय एकात्मतेसाठी प्रेरणा देणारा आहे. असे सांगून विद्यार्थी व शिक्षकांचे कौतुक केले. व विद्यार्थ्यांशी मनसोक्त संवाद साधला.
यावेळी पोलिस अधीक्षक डाॅ. मुंडे यांनी गणपतीची आरती केली. यावेळी संस्थेचे उपाध्यक्ष संजय बिर्ला, शालेय समिती चेअरमन विनोद बियाणी, मुख्याध्यापिका सरोज तिवारी, हेमंत पाटील तसेच सर्व शिक्षक व शिक्षकेतर कर्मचारी उपस्थित होते.
