गजानन पाटील | अमळनेर, दि.२० – तालुक्यातील राजवड येथे निसर्गरम्य वातावरणातील शबरी फार्म हाऊसवर अमळनेर तालुका फोटोग्राफर असोसिएशनच्यावतीने माजीआमदार कृषिभूषण साहेबराव पाटील व माजी नगराध्यक्षा पुष्पलता साहेबराव पाटील यांच्या प्रमुख उपस्थितीत जागतिक छायाचित्रण दिन साजरा करण्यात आला.
कार्यक्रमाच्या सुरुवातीला कॅमेरा पूजन करण्यात आले. यानंतर कोरोना काळात ज्येष्ठ फोटोग्राफर कै. सोमनाथ ढोमन पाटील व कै. राजनाथ जयदेव पाटील यांचे निधन झाले होते दरम्यान कार्यक्रमात त्यांना श्रद्धांजली वाहण्यात आली.
फोटोग्राफर बांधवांनी संघटीत रहावे.. – साहेबराव पाटील
कृषिभूषण साहेबराव पाटील यांनी फोटोग्राफर बांधवांना बहुमुल्य मार्गदर्शन करत कायम संघटीत राहण्याचा सल्ला दिला व पुढील वर्षी देखील याच ठिकाणी घेण्याचे निमंत्रण दिले. दरम्यान फोटोग्राफर बांधवांनी देखील आपल्या भावना व्यक्त केल्या.
शिवाय गेल्या दोन वर्षांपासून कोरोना असल्याने फोटोग्राफर बांधव आपल्या परिवारासह कुठेही कार्यक्रमासाठी एकत्र आले नव्हते, त्यामुळे निसर्गरम्य वातावरणात एक दिवस आपल्या परिवारासह सर्व फोटोग्राफर बांधवा घालवता यावा यासाठी असोसिएशनने सहपरिवार स्नेहभोजनाचा बेत ठेवला होता. दरम्यान कार्यक्रमात दहीहंडी थीम तयार करून चिमुकल्या श्रीकृष्णाच्या हातून दहीहंडी फोडण्यात आली.
यावेळी जेष्ठ फोटोग्राफर भगवान पाटील, भगवान वारूडे, मुख्तार आली सय्यद, भास्कर पाटील आदींसह अमळनेर तालुका फोटोग्राफर असोसिएशनचे सर्व पदाधिकारी, सदस्य उपस्थित होते. कार्यक्रमाचे सूत्रसंचालन संदीप पवार यांनी तर आभार अनंत पाटील यांनी मानले.
