गजानन पाटील | अमळनेर, दि. ०२ – तालुक्यातील तापी पांझरा व गुप्त गंगा या नद्यांच्या त्रिवेणी संगमावर असलेल्या श्री क्षेत्र कपिलेश्वर महादेवाच्या दर्शनासाठी खान्देशासह पंचक्रोशीतील भाविकांनी मंगळवारी महाशिवरात्री निमित्त गर्दी केली होती.
महाशिवरात्री निमित्ताने श्री क्षेत्र कपिलेश्वर महादेव मंदिरात सकाळपासून विविध कार्यक्रमांचे आयोजन करण्यात आले होते. दर्शन घेण्यासाठी भाविकांनी सकाळपासून रांगा लावल्या होत्या. दरम्यान जय शिव शंकर, हर हर महादेवच्या जयघोषाने कपिलेशवर महादेव मंदिराचा परिसर दणाणून गेला होता.
रात्री उशिरापर्यंत लाखाच्यावर भाविकांनी दर्शनाचा लाभ घेतल्याचे मंदिर प्रशासनाकडून सांगण्यात आले. मारवड पोलीस ठाण्याच्या वतीने पोलिस उपनिरीक्षक जयेश खलाने यांच्या मार्गदर्शनाखाली चोक बंदोबस्त ठेवण्यात आला होता.
VIDEO
