अमळनेर, (प्रतिनिधी) : शहरातील बडोदा बँकेच्या परिसरातून रिक्षामध्ये प्रवास करत असलेल्या एका महिलेच्या पिशवीतून ३५ हजार रूपयांची रोकड चोरून नेल्याची घटना मंगळवारी १८ मार्च रोजी दुपारी २ वाजेच्या सुमारास घडली आहे. याप्रकरणी अमळनेर पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
कल्पनाबाई भिमराव पाटील (वय ६०) या महिला मंगळवारी दि. १८ मार्च रोजी दुपारी २ वाजेच्या सुमारास बडोदा बँक परिसरातून रिक्षातून प्रवास करत होत्या. त्यावेळी अज्ञात चोरट्याने त्यांच्या पिशवीतून ३५ हजार रूपयांची रोकड चोरून नेली. हा प्रकार त्यांच्या लक्षात आल्यानंतर यांनी सर्वत्र शोध घेतला परंतू कोणतीही माहिती मिळाली नाही. अखेर त्यांनी सायंकाळी अमळनेर पोलीस ठाण्यात धाव घेवून तक्रार दिली. त्यानुसार अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ मिलीद अशोक सोनार हे करीत आहे.
