जळगाव, (प्रतिनिधी) : सराईत दुचाकी चोरट्याला पकडण्यात जळगावच्या स्थानिक गुन्हे शाखेला यश आले आहे. या चोरट्याला ताब्यात घेतले असून त्याच्याकडून चोरीची दुचाकी देखील जप्त करण्यात आली आहे.
जळगावच्या जिल्हा वैद्यकीय महाविद्यालय व रुग्णालय परिसरातून दि.१५ फेब्रुवारी ला सुरेश पंडित चव्हाण (वय ६१ रा. हनुमान नगर, मेहरुण) यांच्या मालकीची मोटरसायकल क्रमांक (एम एच १९ सीई ५७६८) कोणीतरी अज्ञात इसमाने चोरी केली होती म्हणून त्यांनी दिलेल्या फिर्यादीवरून जिल्हा पेठ पोलीस स्टेशनला अज्ञात इसमाविरुद्ध गुन्हा दाखल करण्यात आला होता.
दरम्यान स्थानिक गुन्हे शाखेच्या पथकाने गोपनीय माहितीच्या आधारे रेकॉर्डवरील गुन्हेगार मोसिन शहा सिकंदर शहा (रा. फुकटपुरा, तांबापुरा) याला फुकटपुरा येथून ताब्यात घेऊन त्याची चौकशी केली असता सदरचा गुन्हा हा त्याच्या साथीदारासोबत केल्याचे कबूल करून गुन्ह्यातील मोटरसायकल काढून दिली. दरम्यान त्याला पुढील कारवाईसाठी जिल्हापेठ पोलीस स्टेशनच्या ताब्यात देण्यात आले आहे. पुढील तपास महिला पोलीस हवालदार अनिता वाघमारे करीत असून त्याच्या दुसर्या साथीदाराचा शोध सुरू आहे तो देखील रेकॉर्डवरील गुन्हेगार आहे.
सदरची कारवाई ही पोलीस अधीक्षक महेश्वरी रेड्डी, अप्पर पोलीस अधीक्षक अशोक नकाते, उपविभागीय पोलीस अधिकारी संदीप गावित यांच्या मार्गदर्शनाखाली वरिष्ठ पोलीस निरीक्षक बबन आव्हाड, पोलीस उपनिरीक्षक दत्तात्रय पोटे, सहाय्यक फौजदार अतुल वंजारी, रवी नरवाडे, राजेश मेढे, संजय हिवरकर, पोलीस हवालदार अक्रम शेख, विजय पाटील, प्रवीण भालेराव, हरिलाल पाटील, पोलीस चालक प्रमोद ठाकूर यांनी केली आहे.
