अमळनेर | शहरात यावर्षी स्वातंत्र्यदिनी शंभर फुटी तिरंगा ध्वज फडकणार आहे. अमळनेरच्या नगराध्यक्षा पुष्पलता पाटील आणि माजी आमदार साहेबराव पाटील यांच्या सहकार्यातून शहरातील तिरंगा चौकात शंभर फुटी स्तंंभ उभारण्यात आलायं. स्वातंत्र्यदिनाच्या पार्श्वभूमीवर 30 बाय 20 फूट आकार व वजन 50 किलो असलेला भलामोठा ध्वज आकाशात दिमाखात फडकविला जाणार आहे.
दरम्यान शुक्रवारी नगर परिषदेचे मुख्याधिकारी प्रशांत सरोदे, उपमुख्याधिकारी संदीप गायकवाड, संजय चौधरी, अभियंता प्रशांत ठाकूर, आरोग्य सभापती शाम पाटील यांनी पूर्व तयारी म्हणून ध्वजाची पाहणी केली.
शंभर फुटी स्तंभावर फडकणाऱ्या भल्यामोठ्या भारतीय ध्वजाला पाहून, नक्कीच अमळनेरकरांची मान अभिमानाने उंचावेल यात शंका नाही..
अमळनेर हून गजानन पाटील सह हेमंत पाटील, खान्देश प्रभात, जळगाव
