मुंबई, (प्रतिनिधी) : जैन इरिगेशनचे चित्रकार विकास मल्हारा यांच्या अमूर्त चित्राला, महाराष्ट्र राज्य कला संचालनालयाच्या ६४ व्या वार्षिक प्रदर्शनात प्रमाणपत्र व रोख रुपये ५२,५०० (रुपये बावन्न हजार पाचशे) रेखा व रंगकला विभागात पारितोषिक प्राप्त झाले आहे.
महाराष्ट्राचे राज्यपाल सी. पी. राधाकृष्णन यांच्या हस्ते विकास मल्हारा यांना गौरविण्यात आले. याप्रसंगी प्रमुख उपस्थिती महाराष्ट्राचे उपमुख्यमंत्री एकनाथ शिंदे, अॅड राहुल नार्वेकर (विधानसभा अध्यक्ष), चंद्रकांत पाटील (मंत्री-उच्च व तंंत्र शिक्षण), अॅड आशिष शेलार (मंत्री-सांस्कृतिक कार्य), इंद्रनिल नाईक (मंत्री- राज्यमंत्री उच्च व तंंत्र शिक्षण), अरविंद सावंत (लोकसभा सदस्य), बी वेणुगोपाल रेड्डी (भा.प्र.से, अप्पर मुख्य सचिव-उच्च व तंत्र शिक्षण), डॉ. संतोष श्रीरसागर (संचालक-कला संचालनालय) यांच्या उपस्थितीत जहांगीर आर्ट गॅलरी मुंबई येथे दि ४ फेब्रुवारी रोजी संपन्न झाला.
जैन इरिगेशनचे अध्यक्ष अशोक जैन यांनी विकास मल्हारा यांचे अभिनंदन केले व पुढील वाटचालीसाठी शुभेच्छा दिल्या असून मल्हारा यांना ‘बॉम्बे आर्ट सोसायटीचे गोल्ड’, ‘आर्ट सोसायटी ऑफ इंडिया’, ‘टगोर अवाॅर्ड’ व इंडिया आर्ट अॅण्ड क्राफ्ट सोसायटी दिल्ली असेही अवाॅर्ड प्राप्त झाले आहेत.
