जळगाव, प्रतिनिधी : जळगावच्या मनोरंजनात शुक्रवार पासून (२३ ऑक्टोबर) एक नवा आणि अत्याधुनिक अध्याय जोडला जात आहे. येथील नयनतारा मॉलमध्ये असलेल्या ‘स्टार सिनेमा’त दोन नवीन स्क्रीन (चौथा आणि पाचवा स्क्रीन) प्रेक्षकांच्या सोईसाठी सज्ज होत आहेत. शहराच्या इतिहासात पहिल्यांदाच चित्रपटप्रेमींना असा जागतिक दर्जाचा अनुभव मिळणार आहे.
‘स्टार सिनेमा’ने आपल्या मल्टिप्लेक्सचा विस्तार करत प्रेक्षकांसाठी अत्याधुनिक तंत्रज्ञान उपलब्ध करून दिले आहे. या नवीन स्क्रीन्समध्ये चित्रपटातील प्रत्येक दृश्य अधिक स्पष्ट आणि जिवंत अनुभवण्यासाठी क्रिस्टल-क्लिअर व्हिडिओ क्वालिटी देणारा २ के लेझर प्रोजेक्टर बसवण्यात आला आहे. तसेच थिएटरच्या प्रत्येक कोपऱ्यात अप्रतिम आणि थ्रीडी आवाजाचा थरार अनुभवण्यासाठी ७.१ डॉल्बी साऊंड आणि ॲटमॉस सपोर्टची उत्तम ध्वनी यंत्रणा उपलब्ध करण्यात आली आहे.
याशिवाय जळगावकरांच्या आरामाची विशेष काळजी घेत पहिल्यांदाच गोल्ड आणि प्लॅटिनम क्लासमध्ये आरामदायी रिक्लायनर सिट्सची सोय करण्यात आली आहे. या नवीन स्क्रीन्समुळे आता प्रेक्षकांना अधिक शो-टाईम्स आणि एकाच वेळी विविध चित्रपट पाहण्याचे अनेक पर्याय उपलब्ध होणार आहेत. नव्या स्क्रीन्सवरील चित्रपटांचे ॲडव्हान्स बुकिंग आधीच सुरु झाले असून, जळगावकर प्रेक्षकांनी या नव्या आणि आरामदायी सिने-वैभवाचा अवश्य आनंद घ्यावा, असे आवाहन स्टार सिनेमा प्रशासनातर्फे करण्यात आले आहे.
