विजय बाविस्कर | पाचोरा, (प्रतिनिधी) : तालुक्यातील वरखेडी पी. डी. बडोला माध्यमिक विद्यालयात २००७-०८ या शैक्षणिक वर्षातील मित्र-मैत्रिणी १७ वर्षांनंतर स्नेहसंमेलनाच्या निमित्ताने नुकतेच एकत्र आले होते.
यावेळी सर्व शिक्षकांनी व विद्यार्थ्यांनी आपले मनोगत व्यक्त केले. तसेच कार्यक्रमाचे सूत्रसंचालन विजय बाविस्कर व शितल पाटील यांनी केले. दरम्यान भारतीय सैन्यात कर्तव्य बजावणारे किरण मोरे व कल्पेश सोनवणे यांचादेखील सत्कार करण्यात आला.
अतिशय खेळीमळीच्या वातावरणात जुन्या आठवणींना उजाळा देत हा स्नेह मेळावा पार पडला यावेळी कार्यक्रमाच्या अध्यक्षस्थानी एल. एस. पाटील हे होते. तर प्रमुख उपस्थितांमध्ये एस. आर. माने, ए. एस. चौधरी, एन. सी. चव्हाण, व्ही. जे. कानडे, एस. बी. पाटील, जे. डी. जाधव, शाळेचे मुख्याध्यापक पी. आर. गरुड यांच्यासह शिक्षक वृंद कर्मचारी उपस्थित होते. यावेळी सर्व विद्यार्थ्यांनी आपल्या गुरूंचे आशीर्वाद घेतले.
