जळगाव, (प्रतिनिधी) : वाहनांमध्ये घरगुती सिलेंडरच्या माध्यमातून गॅस भरत असताना दि.३१ डिसेंबर रोजी मंगळवारी शहरातील पिंप्राळा भागात स्थानिक गुन्हे शाखेच्या पथकाने कारवाई करत चार जणांना ताब्यात घेतले आहे. त्यांच्याकडून गॅस सिलेंडर सह दोन लाखाचा मुद्देमाल हस्तगत करण्यात आला आहे.
शहरातील पिंप्राळा परिसरात घरगुती गॅसच्या काळाबाजार होत असल्यासंदर्भात स्थानिक गुन्हे शाखेचे वरिष्ठ पोलीस निरीक्षक यांना माहिती मिळाल्यानंतर रामानंद नगर पोलीस स्टेशनच्या हद्दीमध्ये ही कारवाई करण्यात आली. यात वसीम चंगा शहा, अकलाख खान जहांगीर खान, फिरोज अलाउद्दीन शेख आणि जुबेर खान उस्मान खान पठाण (सर्व रा. पिंप्राळा परिसर) या या चौघा विरुद्ध गुन्हा दाखल करून घरगुती गॅसचा काळाबाजार करताना ताब्यात घेतले आहे.
या कारवाईत त्यांच्याकडून एकूण ११ घरगुती गॅस सिलेंडर, ५ मोटारी, गॅस भरण्याचे साधन आणि दोन वजन काटे जप्त करण्यात आले असून जप्त मुद्देमालाची किंमत साधारण २ लाख १ हजार रुपये इतकी आहे. संबंधितांविरुद्ध रामानंदनगर पोलीस ठाण्यात गुन्हा दाखल करण्यात आला असून त्यांना अटक करण्यात आली आहे.
