जामनेर, (प्रतिनिधी) : येथील महाविकास आघाडी तथा राष्ट्रवादी काँग्रेस पक्ष शरद पवार गटाचे अधिकृत उमेदवार दिलीप बळीराम खोडपे सर यांच्या प्रचारार्थ खासदार अमोल कोल्हे यांचे गुरूवारी जामनेरमध्ये हेलिकॉप्टरने आगमन झाले. जळगाव रोडवर कार्यकर्त्यांनी त्यांचे जोरदार स्वागत केले त्यान, भव्य रोड शोला सुरुवात झाली आहे.
खा. अमोल कोल्हे यांच्या आगमनानंतर परिसरातील कार्यकर्त्यांमध्ये उत्साहाचं वातावरण निर्माण झाले आहे. खा. कोल्हे यांचे ढोल-ताशांच्या गजरात आणि फुलांच्या उधळणीत स्वागत केले गेले. ज्यामुळे संपूर्ण वातावरण जल्लोषमय झाले होते. जळगाव रोडवरुन हा रोड शो सुरु झाला असून, जामनेर, पहूर, पाळधी, लोहारा व आसपासच्या गावातील महाविकास आघाडीचे कार्यकर्ते मोठ्या संख्येने या रोड शोमध्ये सहभागी झाले होते.
कार्यकर्त्यांच्या सहभागामुळे रोड शोला भव्य स्वरूप प्राप्त झाले होते. आणि दिलीप खोडपे यांच्या प्रचाराला एक वेगळीच उर्जा मिळत आहे. कार्यकर्त्यांच्या उत्साहात आणि नागरिकांच्या उपस्थितीत हा रोड शो एक ऐतिहासिक क्षण ठरणार असून, जामनेरातील जनताही या रोड शोची मोठ्या उत्सुकतेने वाट पाहत होती.
