चौघांविरुद्ध गुन्हा ; जळगाव तालुक्यातील घटना
जळगाव ( प्रतिनिधी ) : तालुक्यातील पिलखेडा शिवारात शेतीचा रस्ता वापरावरून एका महिलेला शिवीगाळ करून तिचा विनयभंग केल्याची घटना उघडकीस आली असून याप्रकरणी चौघांविरुद्ध तालुका पोलीस स्टेशनला गुन्हा दाखल करण्यात आला आहे.
जळगाव तालुक्यातील पिलखेडा परिसरात ५३ वर्षीय महिला आपल्या कुटुंबासह वास्तव्याला आहे. त्यांचे पिलखेडा शिवारातील शेतात त्या ३ सप्टेंबर रोजी सकाळी ९ वाजता गेले असताना रस्त्याच्या वापराच्या वादावरून प्रकाश धोंडू कोळी याने महिलेला शिवीगाळ करत लाकडी दांडका घेऊन महिलेच्या अंगावर धावून आला. त्यानंतर शांताराम चैत्राम कोळी, महेंद्र शांताराम कोळी आणि जितेंद्र शांताराम कोळी यांनी महिलेला शिवीगाळ करून हातपाकडून विनयभंग केला.
याबाबत महिलेने दिलेल्या तक्रारीवरून प्रकाश धोंडू कोळी, शांताराम चैत्राम कोळी, महेंद्र शांताराम कोळी आणि जितेंद्र शांताराम कोळी चौघे रा. पिलखेडा ता. जळगाव या चौघांवर जळगाव तालुका पोलीस ठाण्यात गुन्हा दाखल करण्यात आला आहे.
