अमळनेर | दि. ०९ ऑगस्ट जुन्या भांडणाच्या कारणावरून महिलेसह तिच्या चुलत सुनेला लाथाबुक्क्यांनी बेदम मारहाण करून गंभीर दुखापत केल्याची घटना शहरातील कंजरवाडा भागात गुरूवारी उघडकीस आली असून याप्रकरणी अमळनेर पोलीस ठाण्यात १२ जणांवर गुन्हा दाखल करण्यात आला आहे.
सुनिता शंकर लांडगे वय ५५ रा. कंजरवाडा, अमळनेर या आपल्या परिवारासह राहायला असून गुरूवार ८ ऑगस्ट रोजी दुपारी १२.३० वाजेच्या सुमारास त्या घरी तिच्या चुलत सुन रूपाबाई विक्की बाटुंगे यांच्यासोबत बोलत होते. यावेळी परिसरात राहणारे मीनाक्षी सुरज कंजर रा. कंजरवाडा अमळनेर हिच्यासह तिच्या नातेवाईकांनी जुन्या भांडणाच्या कारणावरून सुनिता लांडगे या महिलेसह तिच्या चुलत सुनेला लाथाबुक्क्यांनी बेदम मारहाण करून गंभीर दुखापत केल्याची घटना घडली.
याप्रकरणी सुनिता लांडगे यांनी अमळनेर पोलीस ठाण्यात धाव घेवून तक्रार दिल्यानुसार मीनाक्षी सुरज कंजर, नितीन साजन तमाईचे, सचिन साजन तमाईचे, तुषार सुरज गुमाणे, सुमनबाई नितीन तमाईचे, रोमा सचिन तमाईचे, नैना रोहित बाटुंगे, बेलाबाई कंजर, प्रिया गणेश बागडे, गब्बूबाई बागडे, नरेंद्र कोचरे आणि प्रितेश बागडे सर्व राहणार कंजरवाडा अमळनेर यांच्या विरोधात गुन्हा दाखल करण्यात आला आहे. तपास पोहेकॉ गणेश पाटील हे करीत आहे.
