जळगाव | दि. १७ जुलै २०२४ | शहरामध्ये पिंक ऑटो रिक्षा चालक भगिनींची संख्या वाढत असून पिंक आटो भगिनींच्या रिक्षा विषयी असलेल्या विविध प्रकारच्या समस्या, परिवहन कार्यालयातील विविध कामे, शहर वाहतूक कार्यालयात समन्वय साधने, याकरता असोसिएशनची स्थापना करण्यात आली.
दरम्यान शहरातील पिंकआटो चालक भगिनींनी एकत्र येऊन पिंक ऑटो ची संकल्पना मांडणारे व प्रत्यक्षात उतरवणारे ॲड.जमील देशपांडे यांची एकमताने असोसिएशनच्या अध्यक्ष पदी एकमताने निवड केली. तर सचिव पदी रंजना सपकाळे यांची निवड करण्यात आली.
असोसिएशनची कार्यकारणी खालील प्रमाणे..
उपाध्यक्ष संगीता बारी, सहसचिव पोर्णिमा कोळी, सदस्य मीना कोळी, पूनम गजरे, माधुरी भालेराव, माधुरी निळे, मनीषा कोळी, नीता ठाकरे ई.
लवकरच पिंक ऑटो चालक भगिनींचा मेळावा घेण्यात येणार असून त्यांना रिक्षा व्यवसायासंदर्भात परिवहन अधिकाऱ्यांच्या उपस्थितीत मार्गदर्शन करण्यात येणार आहे. तसेच आरोग्य तपासणी, नेत्र तपासणी, वाहतूक कार्यालयाला भेट, परिवहन कार्यालयाला भेटीचे आयोजन करण्यात येणार आहे.
