जळगाव, दि.१९ – मेहरूण येथील श्री संत ज्ञानेश्वर प्राथमिक व माध्यमिक विद्यालयात श्री गणेशाची प्रतिष्ठापना करण्यात आली. दरम्यान विद्यार्थ्यांनी लेझीम खेळत जल्लोषात गणरायाची मिरवणूक काढण्यात आली. यावेळी संस्थेचे संचालक मंडळ, शिक्षक वृंद, पालक उपस्थित होते.
सुरुवातीला संस्थेचे अध्यक्ष तथा मेहरूणचे माजी नगरसेवक प्रशांत नाईक यांनी श्री गणेशाची आरती केल्यानंतर मिरवणुकीला प्रारंभ झाला. त्याचबरोबर विद्यार्थ्यांनी घातलेल्या केशरी टोपीने देखील नगरवासीयांचे लक्ष वेधून घेतले. यावेळी विद्यार्थ्यांनी जल्लोष केला.
मिरवणूक शाळेच्या परीसरात पोहचल्यानंतर गणेशाची प्रतिष्ठापना संस्थेचे उपाध्यक्ष शामकांत सोनवणे यांच्या हस्ते करण्यात आली. यावेळी संस्थेचे अध्यक्ष प्रशांत नाईक, मुख्याध्यापक मुकेश नाईक, स्वाती नाईक, सर्व शिक्षक व शिक्षकेतर कर्मचारी यांच्यासह विद्यार्थी व पालक उपस्थित होते.
