जळगाव, दि. ०७ – श्री संत ज्ञानेश्वर प्राथमिक व माध्यमिक विद्यालय येथे श्रीकृष्ण जन्माष्टमी निमित्त दहीहंडी उत्सव साजरा करण्यात आला. यावेळी श्रीकृष्णाच्या प्रतिमेचे पूजन व मुख्याध्यापक मुकेश नाईक व उपशिक्षिका स्वाती नाईक यांनी केले.
विद्यार्थ्यांनी कृष्ण जन्माची नाटिका उज्वल देवरे व वैष्णवी शिरसाट ह्या विद्यार्थ्यांनी सादर केली. तसेच नृत्य सादर केले. दहीहंडी मध्ये पेन, रबर, पट्टी, पेन्सिल, शॉपनर, चॉकलेट, स्केचपेन आदी शैक्षणिक साहित्य भरण्यात आले. विद्यार्थ्यांनी ही हंडी फोडल्यानंतर त्यांना हे शैक्षणिक साहित्य मिळाले. शब्दहंडी, चित्रहंडी उत्साहात साजरी करण्यात आली.
नाविन्यपूर्ण दहीहंडी मुळे सर्व विद्यार्थ्यांमध्ये चैतन्यमय वातावरण निर्माण होऊन मोठ्या उत्साहात दहीहंडी उत्सव पार पडला. उपशिक्षिका श्रीमती रूपाली आव्हाड यांनी सर्वांना भगवान श्रीकृष्णाच्या जीवनातून कोणता बोध घ्यावा व महिला पालकांची आपल्या मुलांच्या जडणघडणीत कोणती भूमिका असावी याबाबत मार्गदर्शन केले. दहीहंडी उत्सव साजरा करण्यात मुख्याध्यापक मुकेश नाईक व शिक्षक वृंद यांनी उत्साहाने सहभाग घेतला.
