रावेर, दि.२९ – तालुक्यातील मोठे वाघोदा येथील रहिवासी पत्रकार तथा कवी व सामाजिक क्षेत्रात काम करणारे कमलाकर माळी यांना छत्रपती संभाजीनगर येथे सुलक्ष्मी बहुउद्देशीय सेवाभावी संस्थेतर्फे कवी मंगलदास मोरे लिखीत बहरलेला निसर्ग पुस्तक प्रकाशन सोहळ्या प्रसंगी आयोजित कार्यक्रमात अबुल कलाम आझाद संशोधन केद्रात उल्लेखनीय कार्य केल्याबद्दल सेवा गौरव पुरस्कार २०२३ ने गौरवण्यात आले.
यावेळी सन्मानचिन्ह शाल श्रीफळ भेट देण्यात आले. हा पुरस्कार सहाय्यक पोलिस निरिक्षक दामिनी पथक छ.संभाजीनगर ग्रामीण.आरती जाधव व वर्षा व्हगाडे स.पो.नि.यांच्या हस्ते देण्यात आला. गावात मोफत नेत्र शिबीर, रक्तदान शिबिर, गाव फलक, ग्रामस्थांसाठी स्वखर्चाने मोफत वाचनालयची सोय, कोवीड मध्ये मोफत मास्क वाटप तसेच व्हाट्सअप ग्रुप च्या माध्यमातुन विविध उपक्रम माळी राबवित असतात.
अशा विविध सामाजिक कार्यामुळे त्यांची या पुरस्कारासाठी संस्थेचे अध्यक्ष सुमीत पंडीत यांनी निवड केली. कार्यक्रमाप्रसंगी आला बाबूराव फेम सुरेश कांबळे, प्रा.विष्णू सुरासे (हास्य कवी), कवियत्री उज्वला बागुल, डॉ. तेजस्वी तुपसागर, संस्थेचे अध्यक्ष सुमीत पंडीत, पुजा पंडीत, भरत आर कल्याणकर, प्रा. बालाजी कांबळे, ज्युनिअर चार्ली सोमनाथ स्वभावणे, कल्पेश पंडीत, चेतन पाटील उपस्थित होते. दरम्यान कमलाकर माळी यांचे सर्व स्तरातून कौतुक होत आहे.
