कळमसरे येथे जागतिक आदिवासी दिन उत्सवात साजरा

गजानन पाटील | अमळनेर – तालुक्यातील कळमसरे, पाडळसरे, गोवर्धन आदी ठिकाणी जागतिक आदिवासी दिवस उत्स्फूर्तपणे साजरा करण्यात आला.
यात सकाळी पहिल्याच श्रावण सोमवार निमित्ताने फराळाचे वाटप केले. कार्यक्रम ची सुरवात मारवड पोलीस ठाण्याचे API राहुल फुला यांच्या हस्ते वीर एकलव्य यांच्या प्रतिमेचे पूजन करीत करण्यात आले. यावेळी उपसरपंच जितेंद्र पाटील, राजपुत्र एकलव्य सेनेचे अध्यक्ष किशोर मालाचे आदींसह सदस्य उपस्थित होते. तर दुसरीकडे पाडळसरे याठिकाणी देखील वीर एकलव्यचे आदिवासी बांधवांकडून प्रतिमा पूजन करण्यात आले. गोवर्धन येथील काळभैरव मंदिरात जिल्हा परिषदेच्या शाळेतील आदिवासी मुला-मुलींना शैक्षणिक साहित्य वाटप करण्यात आले.
दरम्यान कळमसरेत महादेव पुरापासून गावात शोभायात्रा काढण्यात आली. शोभायात्रेत समाजबांधव सहभागी झाले होते. यावेळी अनेकांनी आदिवासी गीतांवर ठेका धरत नाचण्याचा मनमुराद आनंद लुटला.