जळगाव, दि.२६ – रावेर येथे आदर्श कृषि शास्त्रज्ञ या गटांमधून डॉ.उल्हास पाटील कृषि महाविद्यालयाचे प्राचार्य व कृषि शिक्षण परीसराचे संचालक प्रा.सुधाकर मधुकर पाटील यांना बांधावरील कृषि शास्त्रज्ञ असे संबोधून राज्यस्तरीय पुरस्काराने सन्मानि करण्यात आले.
रावेरच्या खासदार रक्षा खडसे यांच्या हस्ते प्रा. पाटील यांना सपत्निक सन्मान करण्यात आला. कार्यक्रमाच्या अध्यक्षस्थानी रावेरचे प्रगतिशिल शेतकरी तथा माजी आमदार अरुण पाटील हे होते, तर उद्घाटक म्हणून जळगाव जिल्हा परीषदेच्या अध्यक्षा रंजना पाटील होत्या. जैन इरिगेशनचे उपाध्यक्ष डॉ.के.बी.पाटील प्रमुख अतिथी होते.
यावेळी कृषिसेवकचे कृष्णा पाटील, तुषार वाघुळदे, कृषि विभागाचे पदाधिकारी. नागपूर पत्रकार संघाचे अध्यक्ष, केळी कामगार नेते तसेच परीसरातील शेतकरी यांचा समावेश होता. कार्यक्रमाच्या यशस्वीतेसाठी सहकार्यांनी परिश्रम घेतले.
